Усяго патроху

Тое, што вы будзеце глядзець. Новая карэйская драма «Гульня ў кальмара» заваёўвае свет

Паўднёвакарэйскі серыял «Гульня ў кальмара» можа аказацца найвялікшым поспехам у гісторыі сэрвісу Netflix, што займаецца яго вытворчасцю. Аднак на працягу дзесяці гадоў мясцовыя студыі не жадалі брацца за гэтае шоу, бо яго канцэпцыя здавалася ім занадта абсурднай і нерэалістычнай.

Фота Netflix

Згодна з сюжэтам драмы, збяднелыя дарослыя гуляюць на ізаляваным востраве ў карэйскія народныя дзіцячыя гульні. Тыя, хто прайграе, паміраюць, а адзіны пераможца атрымлівае грашовую ўзнагароду памерам прыкладна ў 40 мільёнаў даляраў, піша Wall Street Journal.

Першыя гледачы пабачылі «Гульню ў кальмара» 17 верасня, і цяпер гэты серыял — сусветны феномен. Па сервісе TikTok разыходзяцца відэа з імітацыямі гульняў з шоу, а інтэрнэт-крамы прадаюць касцюмы ў стылі «Гульні ў кальмара». Больш чым у 90 краінах серыял займае першыя месцы па праглядах сярод усіх шоу Netflix. Гэта добрыя навіны для кампаніі ва ўмовах беспрэцэдэнтнай канкурэнцыі, калі сервісы-супернікі спрабуюць стварыць свае хіты і пераманіць гледачоў.

Стваральнік «Гульні ў кальмара» Хван Дон-Хёк прыдумаў ідэю шоу больш за дзесяць гадоў таму, калі жыў разам з маці і бабуляй. Ён нават пачаў пісаць сцэнарый, але працу давялося спыніць.

У той час патэнцыйныя інвестары і акцёры былі незадаволеныя сюжэтам драмы праз наяўнасць у фільме жорсткіх забойстваў і непраўдападобнасць сітуацыі, калі людзі рызыкуюць смерцю дзеля магчымасці выйграць грошы.

Аднак два гады таму босы Netflix вырашылі, што прыклады класавай барацьбы з «Гульні ў кальмара» насамрэч блізкія да рэальнасці.

Хван тлумачыць, што калі сусветная эканоміка адчула на сябе ўдар пандэміі кавіду, розніца паміж багатымі і беднымі ў свеце яшчэ больш абвастрылася. Нават тое, якія вакцыны супраць кавіду даступныя ў розных краінах, шмат у чым залежыць ад таго, ці багатая гэта краіна альбо бедная.

Англамоўная версія трэйлера «Гульні ў кальмара» ўжо набрала на Youtube больш за 18 мільёнаў праглядаў. Гэта як мінімум утрая перавышае паказчыкі трэйлераў «Брыджэртонаў» ці «Люпена» — іншых хітоў ад Netflix.

У самой Паўднёвай Карэі не засталіся абыякавымі да сусветнага поспеху серыяла. Мясцовыя медыя параўноўваюць шоу з «Паразітамі» — паўднёвакарэйскім фільмам, што ўзяў у 2020 годзе шэсць статуэтак «Оскара».

Нават кандыдаты ў прэзідэнты Паўднёвай Карэі спасылаюцца на шоу ў сваёй перадвыбарнай гонцы. Некаторыя з іх робяць парадыйныя плакаты ў стылі серыяла або запрашаюць адно аднаго прыняць удзел у спаборніцтвах накшталт «Гульні ў кальмара».

Чытайце таксама: Абвешчаныя лаўрэаты прэміі «Эмі» — за найлепшыя серыялы

Netflix выпусціў дакументальны міні-серыял «Як стаць тыранам» — чаму трэба глядзець

Каментары

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню55

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

На поўначы Брэста працягвае смярдзець, улады заклікаюць «не панікаваць»2

Са Швецыі дэпартуюць яшчэ адну беларускую сям'ю11

Пад Быхавам адкрылі помнік археалагічнай знаходцы 1960 года. Ён падобны да надмагілля

Ва Украіне пад уплывам пратэстаў вяртаюць незалежнасць антыкарупцыйным органам8

У Мёрах падлетак прадаваў парнаграфію, выкарыстаўшы нумар суседа

Берасцеец ператварыў сямітонны валун у каменную ванну5

Мінчукі скардзяцца на атручванне пасля наведвання вядомага рэстарана. Працу ўстановы прыпынілі7

«Саўт-парк» жорстка высмяяў Трампа. Белы дом рэзка асудзіў12

РПЦ запатрабавала ад Беларускай праваслаўнай царквы вярнуць у назвах згадванне Маскоўскага патрыярхата52

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню55

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць