«Дзеля павагі чалавечай годнасці». ЕС і Рада Еўропы заклікалі Беларусь адмяніць смяротнае пакаранне
Еўрасаюз і Рада Еўропы заявілі аб непрыманні смяротнага пакарання ва ўсіх краінах свету і пры любых абставінах, перадае Радыё Свабода.
«Смяротнае пакаранне — гэта жорсткае, бесчалавечнае і прыніжальнае для годнасці пакаранне, якое супярэчыць праву на жыццё. Яго адмена неабходная дзеля павагі чалавечай годнасці», — гаворыцца ў сумеснай заяве кіраўніка дыпламатыі ЕС Жазепа Барэля і генеральнага сакратара Рады Еўропы Марыі Пэйчынавіч-Бурыч з нагоды Еўрапейскага і Сусветнага дня супраць смяротнага пакарання, які адзначаецца 10 кастрычніка.
«Мы заклікаем Беларусь перайсці да адмены пакарання смерцю», — гаворыцца ў заяве Барэля і Пэйчынавіч-Бурыч.
У заяве падкрэсліваецца, што адмена смяротнага пакарання — гэта перш за ўсё пытанне палітычнай волі.
Лік краін, у якіх караюць смерцю людзей, працягвае скарачацца. У мінулым годзе пакаранні не праводзіліся ў 176 краінах. Гэта 91% дзяржаў-членаў ААН.
Беларусь застаецца адзінай краінай Еўропы, дзе ёсць смяротнае пакаранне.
Улады Беларусі адмовіліся выносіць пытанне адмены смяротнага пакарання на бліжэйшы рэферэндум, які павінен прайсці да лютага 2022 года.
Папа Францішак: Смяротнае пакаранне — нялюдская мера
Арыштаваны 75‑гадовы Зміцер Санько — ветэран-выдавец3
Каментары