У Кіеве з 1 лістапада ўвядуць чырвоную зону каранціну з-за распаўсюджвання каранавіруса. Пра гэта паведаміў мэр Віталь Клічко, піша Бі-бі-сі — Украіна.
Абвяшчэнне Кіева чырвонай зонай яшчэ павінна зрабіць спецыяльная камісія, але Віталь Клічко ўжо абвясціў пра строгія абмежаванні ўжо з панядзелка.
Паводле яго слоў, наведванне рэстаранаў, кафэ, забаўляльных мерапрыемстваў, гандлёва-забаўляльных цэнтраў і іншых публічных аб'ектаў і мерапрыемстваў будзе магчымым толькі пры наяўнасці ва ўсіх работнікаў і наведвальнікаў ПЛР-тэста або сертыфіката аб вакцынацыі.
Гэтак жа карыстацца грамадскім транспартам змогуць толькі тыя, хто мае ПЛР-тэст або сертыфікат аб вакцынацыі. Прычым правяраць іх наяўнасць будуць не кіроўцы, а спецыяльныя групы праваахоўнікаў — выбарачна, не на прыпынках, а проста ў транспарце.
Каментары