На Дабрапольскім кірунку сітуацыя паступова бярэцца пад кантроль: украінскія абаронцы наносяць расійскім вайскоўцам адчувальныя страты. Пра гэта ў афіцыйным каментарыі заявіў прадстаўнік Генеральнага штаба Узброеных Сіл Украіны Андрэй Кавалёў.
Кавалёў заявіў, што сітуацыя на Дабрапольскім кірунку стабілізуецца.
Паводле рашэння Галоўнакамандуючага Узброеных Сіл Украіны, для ўзмацнення ўстойлівасці і абароны на Дабрапольскім і Пакроўскім напрамках выдзелены дадатковыя сілы і сродкі, сказаў прадстаўнік Генштаба ў кароткім каментарыі.
«Падчас дзеянняў першага корпуса Нацыянальнай гвардыі Украіны «Азоў», сумежных і падпарадкаваных падраздзяленняў, вораг нясе значныя страты.
За апошнія суткі ў паласе адказнасці корпуса забіты 151 расійскі вайсковец, 70 паранены, 8 узялі ў палон, заяўляюць у Генштабе.
12 жніўня стала вядома, што расійская армія прарвала пад Дабраполлем апошнюю капітальную лінію абароны Данбаса. Эксперты гавораць, што Украіна мае зусім мала часу, каб контрударам вярнуць і прадухіліць далейшыя тэрытарыяльныя страты.
Цяпер чытаюць
Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят6
Каментары