У ЗША памёр мільянер, якога тры месяцы таму асудзілі да пажыццёвага зняволення
У кастрычніку 2021-га каліфарнійскі суд пакараў Роберта Дзёрста за забойства ў 2000 годзе ягонай сяброўкі Сьюзан Берман. А да гэтага ў 1982-м ён забіў сваю жонку, паведамляе Reuters.
Прысяжныя прызналі 78-гадовага магната ў сферы нерухомасці Дзёрста вінаватым яшчэ ў сярэдзіне верасня. Паводле каліфарнійскіх законаў, вінаватыя ў забойстве пры асаблівых абставінах могуць быць асуджаныя да смяротнага пакарання альбо да пажыццёвага зняволення. Пракуратура Лос-Анджэлеса не стала патрабаваць для Дзёрста смяротнага пакарання, бо ў гэтым штаце ўведзены на яго мараторый.
Пракуратура лічыць, што Дзёрст стрэліў Сьюзан Берман у галаву. Па версіі абвінавачвання, ён прызнаўся сяброўцы, што забіў сваю жонку, а затым быў вымушаны забіць і яе, каб замесці сляды.
Дзёрст прызнаўся ў забойстве сяброўкі выпадкова, дапусціўшы неасцярожнасць падчас здымак дакументальнага фільма «Праклён: жыццё і смерці Роберта Дзёрста», які выпусціла кампанія HBO.
«Ну вось і ўсё. Цябе злавілі. Што я зрабіў? Забіў іх усіх», — сказаў ён, калі адышоў у ванны пакой, забыўшыся зняць з сябе мікрафон.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары