Такаеў: удзельнікаў мірных мітынгаў не павінны прыцягваць да крымінальнай адказнасці
Прэзідэнт Казахстана Касым-Жамарт Такаеў сёння заявіў, што падчас антыўрадавых выступленняў і рэжыму надзвычайнага становішча ў студзені праваахоўныя органы затрымалі каля 2 тысяч чалавек. І паабяцаў, што асобы, якія здзейснілі сур'ёзныя злачынствы, панясуць пакаранне ў адпаведнасці з законам.
Па іншых асобах Такаеў даручыў Генпракуратуры вызначыць ступень іх віны. «У выпадку адсутнасці абцяжарвальных абставінаў прыняць меры па змякчэнні пакарання», — напісаў Такаеў на сваёй старонцы ў Twitter.
Пазней словы казахстанскага прэзідэнта больш падрабязна патлумачыў ягоны прэс-сакратар Берык Уалі. Паводле яго, удзельнікаў мірных мітынгаў прыцягваць да крымінальнай адказнасці не павінны.
«Удзельнікі мірных дэманстрацый, лічыць прэзідэнт, не павінны пераследвацца ў крымінальным парадку. Яго прынцыповая пазіцыя — мірныя сходы і мітынгі павінны праводзіцца ў адпаведнасці з законам, які прадугледжвае ўсяго толькі паведамляльны характар такіх мерапрыемстваў. Мітынгі і сходы могуць праводзіцца ў цэнтральных раёнах гарадоў. Гэта вялікі крок наперад у прасоўванні дэмакратыі ў нашай краіне», — напісаў Уалі на сваёй старонцы ў Фэйсбуку.
Чаму падзеі ў Казахстане нельга параўноўваць з беларускімі, але што з іх логікі трэба запомніць
Кветачкі ці арматура? Казахстан дае адказ на галоўнае пытанне пратэсту
Цяпер чытаюць
Стала вядома, дзе працуе фаварытка Лукашэнкі Уладлена Зайцава8
Каментары