Улады не далі Евангельскай царкве атрымаць гуманітарны груз са Швецыі і загадалі вярнуць яго назад
21 студзеня Дэпартамент па гуманітарнай дзейнасці Кіраўніцтва справамі прэзідэнта ў чарговы раз адмовіў Евангельскай царкве Новалукомля ў рэгістрацыі атрыманай гуманітарнай дапамогі на суму 25625 шведскіх крон (2800 даляраў) ад дабрачыннай арганізацыі «Ос-Хельпен» (Швецыя) і запатрабаваў вярнуць увесь тавар назад адпраўніку за кошт членаў царкоўнай арганізацыі.
Царква атрымала паведамленне аб прыбыцці «гуманітаркі» яшчэ 20 верасня і з таго часу тройчы падавала заяву на яго рэгістрацыю, але кожны раз атрымлівала адмоўнае рашэнне з Дэпартамента гуманітарнай дзейнасці. Адмова на трэцюю заяву прыйшла у апошні дзень чатырохмесячнага тэрміну дзеяння дазволу на захоўванне груза, адзначаюць праваабаронцы.
Актывісты не разумеюць падставаў, на якіх улады адмовіліся прапусціць у краіну гуманітарны груз, у склад якога ўваходзяць інвалідныя каляскі, адзенне, абутак, мэбля, посуд, якія павінны былі быць размеркаваныя паміж тымі, хто мае ў гэтым патрэбу.
Магчыма, дыскрымінацыйнае стаўленне да рэлігійнай суполкі звязанае з тым, што яе пастар Аляксандр Зарэцкі падпісаў на пачатку 2021 года «Адкрыты ліст хрысціян Беларусі» супраць гвалту над удзельнікамі пратэстаў, пасля чаго яго выклікалі на допыт у Новалукомльскі аддзел міліцыі і на гутарку да ідэолага раёна, а 8 ліпеня 2021 года ў яго доме быў праведзены ператрус.
На гэты момант пастар Аляксандр знаходзіцца ў статусе сведкі па крымінальнай справе і даў падпіску аб неразгалошванні матэрыялаў.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары