Мінчук праз балкон уцёк ад мужа палюбоўніцы, скраў чужую картку і аплачваў пакупкі незнаёмым людзям, каб «зрабіць дабро і загладзіць віну»
У Мінску будуць судзіць 31-гадовага мужчыну, які трапіў у анекдатычную сітуацыю.
Як пішуць «Мінск-Навіны», мінчук гасцяваў у сяброўкі, калі раптам вярнуўся яе муж. Каб застацца незаўважаным, ён выйшаў на балкон і па пажарнай лесвіцы спусціўся на паверх ніжэй.
Там у кватэру яго ўпусціла адзінокая жанчына, якая ўжывала алкаголь. Яны былі ўжо знаёмыя, бо мужчына ўжо не ўпершыню такім чынам хаваўся ад мужа палюбоўніцы, і пачалі разам выпіваць. Затым гаспадыня прапанавала госцю схадзіць у краму па выпіўку.
Жанчына дала маладому чалавеку куртку свайго сына, бо вопратка мінчука засталася ў кватэры каханкі. Апранаючыся, мужчына заўважыў на канапе чужую банкаўскую карту і забраў яе.
Прыйшоўшы ў краму, ён стаў аплачваць наведвальнікам чужой бескантактнай картай іх пакупкі, купляць дзецям прысмакі. Усяго ён здзейсніў 35 плацяжоў, пасля чаго банк стаў адхіляць плацяжы ў сувязі з перавышэннем ліміту. Пасля ён вярнуўся да сваёй новай знаёмай і паклаў картку ў кішэню курткі.
Праз два тыдні яму на мабільны тэлефон патэлефанаваў сын жанчыны і запатрабаваў вярнуць грошы. Але мінчук гэтага не зрабіў, таму ўладальнік карткі пайшоў у міліцыю.
Свае паводзіны падазраваны патлумачыў тым, што яму было вельмі прыкра ад таго, што давялося ўцякаць ад мужа прыяцелькі, і такім вось чынам ён вырашыў загладзіць сваю віну — зрабіўшы незнаёмым людзям дабро.
Цяпер чытаюць
Дэлегатка КР Карпушонак пасля маўчання апублікавала відэа14
Дэлегатка КР Карпушонак пасля маўчання апублікавала відэа
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7878
Каментары