Рэкламшчыку і заснавальніку Kyky.org і беларускага The Village Аляксандру Васілевічу суд даў тры гады калоніі агульнага рэжыму, аднак яго вызвалілі проста ў зале суда. Чаму так адбылося?
Васілевіч адсядзеў у СІЗА 1,5 года ў пераліку на дні калоніі (1,5 дня СІЗА роўныя дню калоніі) гэта крыху больш за 2 гады. Такім чынам палітвязень павінен быў правесці ў калоніі яшчэ каля года. Чаму ж яго вызвалілі?
Першапачаткова Аляксандра Васілевіча вінавацілі па ч. 2 арт. 243 Крымінальнага кодэкса «Ухіленне ад уплаты сум падаткаў і збораў».
Аднак у судзе абвінавачванне перакваліфікавалі на першую частку гэтага ж артыкула. Яна лічыцца менш цяжкай, па ёй ёсць «тэрмін даўніны» — гэта 5 год.
То-бок, калі здзейсненае злачынства па ч. 1 арт. 243, то чалавека могуць прыцягнуць да адказнасці толькі на працягу пяці год з моманту здзяйснення.
Аднак у законе сказана пра тое, што асоба ў такім выпадку не можа прыцягвацца да крымінальнай адказнасці. На якой падставе суд прызначыў Васілевічу 3 гады калоніі, незразумела.
Матывацыю суда і іншыя абставіны справы, на жаль, мы не даведаемся. Таму што суд над Васілевічам праходзіў у закрытым рэжыме.
Чытайце таксама:
Бізнэсоўца, сузаснавальніка Kyky.org Аляксандра Васілевіча вызвалілі ў зале суда
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі29
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары