Лакдаўны, у адрозненне ад абавязковага нашэння масак, не дапамагаюць знізіць смяротнасць ад кавіду — новае даследаванне ўніверсітэта Хопкінса
Праца ўніверсітэта Джона Хопкінса сведчыць, што лакдаўны істотна знізілі колькасць выпадкаў кавіду, але смяротнасць упала нязначна — толькі на 0,2%. А вось закрыццё рэстаранаў і абавязковае нашэнне масак сапраўды дапамаглі знізіць смяротнасць.
Згодна з новым даследаваннем універсітэта Джона Хопкінса, лакдаўны ва ўсім свеце падчас пандэміі знізілі смяротнасць ад кавіду ўсяго на 0,2%. Такім чынам, яны не праявілі сябе як эфектыўны спосаб зменшыць смяротнасць падчас пандэміі, піша nationalpost.com.
Важна, што ў гэтым даследаванні навукоўцы вывучалі ўплыў лакдаўна выключна на паказчыкі смяротнасці. Яны не даследавалі ўплыў лакдаўна на колькасць хворых ці шпіталізаваных.
Закрыццё навучальных устаноў і межаў, а таксама абмежаванне свабоды сходаў, як і лакдаўны, таксама не мелі значнага ўплыву на смяротнасць. Напрыклад, закрыццё межаў знізіла смяротнасць ад кавіду толькі на 0,1%.
З улікам таго, што лакдаўны маюць і дрэнныя наступствы (напрыклад, для эканомікі), аўтары працы парэкамендавалі адмовіцца ад іх як ад інструмента рэгулявання пандэміі.
Якія ж меры тады аказаліся карыснымі? Навукоўцы ацанілі закрыццё ўстаноў, праца якіх не з’яўляецца жыццёва неабходнай, напрыклад, бараў. Даследчыкі лічаць, што такая мера, магчыма, знізіла смяротнасць ад кавіду на 10%.
Сваю працу навукоўцы заснавалі на аналізе іншых даследаванняў па тэме, у якіх таксама былі цікавыя высновы. Так, адна з тых прац сведчыла, што закрыццё рэстаранаў і абавязковае нашэнне масак сапраўды дапамаглі знізіць смяротнасць, але пры гэтым закрыццё спа-цэнтраў не прынесла ніякай карысці.
Згодна з іншай працай, якую вывучылі даследчыкі з універсітэта Хопкінса, поўныя лакдаўны і хуткае закрыццё межаў, магчыма, дапамаглі значна знізіць колькасць выпадкаў кавіду. Аднак гэтыя меры чамусьці не паўплывалі так моцна на смяротнасць.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары