Кампанія, заснаваная ў Беларусі, якая цяпер з’яўляецца найвялікшай IT-кампаніяй Украіны, пералічыла ў дзяржаўны бюджэт падатак на прыбытак за першы квартал 2022 года авансам. Гаворка ідзе пра 50 млн грыўняў ($1,66 млн).
«Сёння мы разам робім усё магчымае, часам і немагчымае, каб наблізіць мір ва Украіне. Каб зберагчы краіну і яе людзей. Каб мець магчымасць працягваць развіваць тут высокатэхналагічны бізнэс. Пазіцыя кампаніі ясная і празрыстая — асуджэнне вайны і дапамога краіне», — гаворыцца ў рэлізе.
Як паведамляе EPAM, цяпер яны дапамагаюць Украіне па чатырох напрамках: фінансавая падтрымка дзяржавы і гуманітарных фондаў, падтрымка вымушаных перасяленцаў, перамешчаных асоб, ахвяраванні ад спецыялістаў, партнёраў і кліентаў, а таксама пастаўкі абсталявання.
Таксама кампанія заявіла пра спыненне супрацоўніцтва з кліентамі з Расіі.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення8080
Каментары