У Літве радыкальным чынам абмежавалі суму ў еўра, якую можна прывезці ў Беларусь
Літоўская мытня інфармуе, што як фізічным, так і юрыдычным асобам забаронена прадаваць, перадаваць або экспартаваць еўра ў Расію і Беларусь, нават калі паказваецца дэкларацыя аб наяўных сродках. Таксама абмяжоўваецца сума наяўных у еўра, якую можна вывезці для асабістых патрэб, піша Delfi.lt
У Літве абмежавалі суму наяўных у еўра, якую можна вывезці для асабістых патрэб у Беларусь і Расію. Цяпер падчас паездкі ў гэтыя краіны пры сабе можна мець наяўнымі толькі да 60 еўра на чалавека.
«Колькасць наяўных грошай у іншай валюце не абмежаваны», — гаворыцца ў паведамленні мытні.
Акрамя таго фізічным і юрыдычным асобам забаранілі прадаваць, даваць, перадаваць або экспартаваць еўра ў Расію і Беларусь.
Гэтыя правілы не датычацца дыппрадстаўніцтваў і міжнародных арганізацый у Беларусі ці Расіі, якія карыстаюцца імунітэтамі ў адпаведнасці з міжнародным правам.
«Калі мытныя органы выявяць, што задэклараваная сума банкнот еўра перавышае суму, дазволеную для вывазу, дэкларацыю аб наяўных грошах не выдадуць, а асоба з банкнотамі еўра вернецца ў Літву», — папярэджвае мытная служба.
За парушэнне уведзеных правілаў могуць прыцягнуць да адміністрацыйнай адказнасці.
Цяпер чытаюць
Сілавікі масава затрымліваюць удзельнікаў конкурсу гомельскага трэш-блогера14
Каментары