ЗША ўвялі новыя санкцыі супраць Расіі. Яны нацэленыя супраць тэхналагічнага сектара
Міністэрства фінансаў ЗША заявіла, што ўводзіць санкцыі ў дачыненні да 21 расійскай арганізацыі і 13 фізічных асоб. У тым ліку пад іх патрапіла кампанія «Мікрон», найбуйнейшы расійскі вытворца мікрасхем і найбуйнейшы вытворца і экспарцёр мікраэлектронікі.
Таксама пад абмежаванні патрапілі НДІ «Вектар», «Сертал», «Серыя інжынірынг» і іншыя расійскія тэхнакампаніі, чыя дзейнасць цесна звязаная з ваеннымі распрацоўкамі.
Гэты крок амерыканцаў скіраваны супраць «сетак ухілення ад санкцый» і «ключавых расійскіх тэхналагічных кампаній, якія спрыяюць незаконнай вайне Пуціна супраць Украіны».
«Расія не толькі працягвае парушаць суверэнітэт Украіны сваёй нічым не справакаванай агрэсіяй, але і ўзмацніла атакі на цывільнае насельніцтва і населеныя пункты, — заявіла міністр фінансаў ЗША Джэнет Елен. — Мы будзем працягваць нацэльваць санкцыі на вайсковую машыну Пуціна з усіх бакоў, пакуль гэтая бессэнсоўная вайна не скончыцца».
Каментары