У Данецку памёр расійскі прапагандыст Андрэй Бабіцкі. Колішні «дэмакрат», які не прайшоў выпрабаванне Крымам
Да Еўрамайдана 2014 года Бабіцкі працаваў на «Радыё Свабода», але пасля ён падтрымаў анексію Крыма, звязаўся з пракрамлёўскімі выданнямі і пераехаў жыць у падкантрольны сепаратыстам Данецк.
Бабіцкаму было 57 гадоў.
Ён атрымаў вядомасць, працуючы карэспандэнтам у гады першай і другой чачэнскіх войнаў, прытым выказваў спачуванне чачэнцам.
У 2000 годзе яго спачатку затрымалі расійскія сілавікі, а пасля абмянялі на палонных расійскіх салдат. Чачэнцы Бабіцкага вызвалілі, але неўзабаве пасля гэтага яго зноў затрымалі ў Расіі, аштрафаваўшы з-за падробленых дакументаў.
Працу Бабіцкага ў Чачні крытыкаваў Уладзімір Пуцін, які ў той час быў кандыдатам у прэзідэнты. «Нядобра супрацоўнічаць з бандытамі і пісаць, што яны галовы адразаюць нашым салдатам, каб паказаць увесь жах гэтай вайны», — казаў тады Пуцін.
На «Радыё Свабода» Бабіцкі працаваў да 2014 года, але, як і многія іншыя расіяне з рэпутацыяй дэмакратаў, не вытрымаў ідэалагічнага выпрабавання «рускай вясной». У 2014 годзе ён падтрымаў далучэнне Крыма да Расіі і пакінуў «Радыё Свабода». З 2015 года ён працаваў у ДНР, пісаў для расійскіх СМІ. Па апошнім этапе біяграфіі, хутчэй за ўсё, яго і будуць ацэньваць у цэлым.
Цяпер чытаюць
Ціханоўскі патлумачыў, чаму ён так паводзіў сябе ў Нью-Ёрку78
Каментары