Беларускія праваабаронцы і грамадскія актывісты абвясцілі збор подпісаў пад зваротам да прэзідэнта ЗША Барака Абамы, прэзідэнта Расіі Дзмітрыя Мядзьведзева, старшыні Еўрапейскай камісіі Жазэ Мануэля Барозу і прэм’ера Швецыі, дзейнага прэзідэнта Еўрасаюза Фрэдрыка Рэйнфельта ў абарону беларускіх палітвязняў.
Аўтары звароту згадваюць справы Мікалая Аўтуховіча, Уладзіміра Асіпенкі і Арцёма Дубскага, якіх, як лічыцца, трымаюць пад вартай з палітычных прычын.
Адносна справы Аўтуховіча, Асіпенкі і Лявонава, якога нядаўна вызвалілі пад падпіску аб нявыездзе, аўтары выказваюць боязь, што беларускі суд разгледзіць гэтую справу за зачыненымі дзьвярыма.
«Мы звяртаемся да вас з просьбай аказаць падтрымку ў арганізацыі незалежнага міжнароднага расследавання справы прадпрымальнікаў з Ваўкавыска і падтрымаць наш заклік да правядзення адкрытага працэсу.
Мы таксама спадзяемся, што вы далучыцеся да нашага патрабавання аб неадкладным вызваленні актывіста «Маладога фронту» і вязня сумлення Арцёма Дубскага», — сказана ў звароце да Абамы, Мядзведзева, Барозу і Рэйнфельта.
Нагадаем, прадпрымальнік з Ваўкавыску Мікалай Аўтуховіч і былы вайсковец Уладзімер Асіпенка знаходзяцца пад вартай болей за паўгода, актывіст Арцём Дубскі за кратамі болей за два месяцы.
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай4
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары