Колькасць загінулых на чыгуначным вакзале ў Краматорску дасягнула 50 чалавек. 12 з іх памерлі ў бальніцы. Сярод ахвяраў — 5 дзяцей, паведаміў кіраўнік Данецкай абласной дзяржаўнай адміністрацыі Паўло Кірыленка.
У бальніцах знаходзяцца 98 пацярпелых, з іх 16 дзяцей, 46 жанчын і 36 мужчын.
Ракетны ўдар па вакзале быў нанесены сёння. На корпусе ракеты, якая ўдарыла па Краматорскім вакзале, быў надпіс па-руску «За детей».
Аляксей Арастовіч, дарадца прэзідэнта Украіны, заявіў, што Краматорск быў атакаваны ракетай тыпу «Іскандэр». Па словах дарадцы Зяленскага, расіяне мэтанакіравана ўдарылі па мірных людзях, якія чакалі эвакуацыі.
Пазней Офіс Зяленскага паведаміў, што ўдар быў нанесены «Точкой-У». Гэта ракетны комплекс савецкай распрацоўкі. Яны ёсць на ўзбраенні ва Украіне, у Расіі яны нібыта з узбраення знятыя, але іх бачылі пры транспарціроўцы па Беларусі.
Расійская і беларуская прапаганда адразу абвінавацілі Украіну ў атацы на свой жа горад.
Чытайце таксама:
Ракетамі быў атакаваны чыгуначны вакзал Краматорска. На адной быў надпіс па-руску «За дзяцей»
Цяпер чытаюць
Зала ў Мінску ўстала пры выкананні «Малітвы» Янкі Купалы ВІДЭА3
Каментары