Урад вызначыў, якія паслугі можна будзе закупляць у прапагандысцкага таварыства «Веды»
Пералік работ і паслуг, якія можна будзе закупляць у ГА «Беларускае таварыства «Веды» з прымяненнем працэдуры закупу з адной крыніцы, зацвердзіў сваёй пастановай ад 11 красавіка Савет Міністраў, піша Zerkalo.io.
У грамадскага аб'яднання, якое ўзначальвае праўладны палітолаг Вадзім Гігін, можна будзе набыць работы і паслугі, якія аказваюцца праз СМІ, а таксама па правядзенні мерапрыемстваў, ажыццяўленні выдавецкай дзейнасці, стварэнні рэкламы, правядзенні даследаванняў, накіраваных на:
— інфармаванне насельніцтва аб дзяржпалітыцы, удасканаленне грамадзянска-патрыятычнай, палітычнай, прававой, эканамічнай, кіраўніцкай, духоўна-маральнай і фізічнай культуры чалавека;
— папулярызацыю айчыннай гісторыі, распаўсюджвання навукова абгрунтаванай інфармацыі аб гісторыка-культурнай спадчыне, баявых подзвігах і працоўных здзяйсненнях беларускага народа, важных гістарычных падзеях, памятных месцах, іх ролі і значнасці ў станаўленні беларускай дзяржаўнасці;
— процідзеянне фальсіфікацыі гісторыі, распаўсюджванню дэструктыўных ідэалагічных дактрын, фарміравання усвядомленай грамадзянскай пазіцыі.
— Таксама ў «Ведаў» можна будзе закупіць паслугі па арганізацыі лекцыйнай работы па прапагандзе праграм сацыяльна-эканамічнага развіцця, па ўдзеле ў ідэалагічнай працы органаў дзяржкіравання, па павышэнні кваліфікацыі ідэолагаў і ўзроўню інфармаванасці лектарскіх кадраў.
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука1
Каментары