Міжнародны валютны фонд стварыў спецыяльны рахунак для дапамогі Украіне. Прэм'ер-міністр Дзяніс Шмыгаль заявіў, што МВФ і Сусветны банк пагадзіліся з тым, што краіне трэба 5 млрд даляраў штомесяц.
Як адзначыў Шмыгаль, ключавой мэтай паездкі ўкраінскай дэлегацыі ў ЗША была падтрымка Украіны ўзбраеннем і тэхналогіямі.
«Асноўныя мэты візіту дасягнутая. Нам удалося дамовіцца пра 4,8 млрд даляраў падтрымкі: і грантавай і крэдытнай», — сказаў ён.
«Таксама МВФ стварыў спецыяльны адміністрацыйны рахунак, праз які ўсе нашы партнёры будуць аказваць дапамогу. Мы гаворым пра 5 млрд даляраў штомесяц — неабходнасць такой сумы пацверджаная і МВФ, і Сусветным банкам.
Гэта сродкі, у якіх мае патрэбу бюджэт Украіны, каб выканаць усе нашы сацыяльныя і гуманітарныя абавязацельствы», — дадаў ён.
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні22
Каментары