Украінскага вайскоўца з «Азоўсталі», які здаўся ў палон, забілі, хаця паабяцалі захаваць яму жыццё
Адзін з пяці ўкраінскіх вайскоўцаў, якія трапілі ў палон з «Азоўсталі», праз тыдзень быў знойдзены мёртвым. Лёс астатніх невядомы, паведамляюць «Важныя гісторыі».
Відэа з вайскоўцамі, якія «здаліся», апублікавала прэс-служба так званай народнай міліцыі «ДНР» 20 красавіка. Голас за кадрам абяцаў вайскоўцам «захаванне жыцця і выкананне міжнародных законаў аб абыходжанні з ваеннапалоннымі».
Праз тыдзень маці Дана Звоніка, аднаго з пяці салдат, атрымала фатаграфію мёртвага сына з характэрнай татуіроўкай, якая пацвярджае яго асобу.
У інтэрвʼю CNN яна выказала ўпэўненасць, што яе сына забілі расійскія вайскоўцы: 1 мая яго цела было перададзена сваякам, і яны ўбачылі вялікую рану на патыліцы загінулага.
Журналісты «Важных гісторый» звязаліся з жонкай яшчэ аднаго вайскоўца, які трапіў у палон. 19 красавіка ён патэлефанаваў і расказаў ёй, што іх павязуць у бальніцу Новаазоўска. Аднак пазней аказалася, што вайскоўцаў туды не прывозілі.
«Нам нават не паведамляюць, дзе іх трымаюць. Я звярталася ва УБАЗ ДНР — мяне культурна паслалі, сказалі: «Вам тут што, бюро добрых паслуг?» — распавяла жанчына. З таго часу ніякай інфармацыі пра палонных няма.
- Аблога Марыупаля працягваецца амаль два месяцы. Тэрыторыя завода «Азоўсталь» застаецца апошнім месцам, падкантрольным Украіне.
- 21 красавіка Уладзімір Пуцін загадаў не штурмаваць «Азоўсталь», замест гэтага заблакаваць зону «так, каб там муха не праляцела». Аднак насуперак гэтым словам завод працягваюць штодзённа абстрэльваць і бамбіць.
- За дзень да гэтага намеснік камандзіра палка «Азоў» Святаслаў Паламар запісаў відэазварот, у якім сказаў, што вайскоўцы не гатовыя здацца ў палон або пакідаць у горадзе загінулых і параненых, але згодны сысці, калі ім будзе дадзена такая магчымасць.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары