Якія помнікі гісторыка-культурнай спадчыны будуць аднаўляць у Беларусі ў 2022 годзе
Якія помнікі гісторыка-культурнай спадчыны будуць аднаўляць і рэстаўраваць у Беларусі ў 2022 годзе, на прэс-канферэнцыі расказаў кансультант упраўлення па ахове гісторыка-культурнай спадчыны Міністэрства культуры Генадзь Ходар.
Паводле яго слоў, у 2022 годзе плануецца правядзенне работ у Гальшанскім замку, палацавым комплексе ў Ружанах, рэканструкцыя стайні ў складзе ансамбля былога палаца Агінскіх у вёсцы Залессе Смаргонскага раёна, рамонт фасадаў і даху царквы абарончага тыпу ў вёсцы Мураванка Шчучынскага раёна, рэканструкцыя капліцы ў вёсцы Закозель Драгічынскага раёна. Працягнуцца работы па рэканструкцыі і рэстаўрацыі ў Свята-Успенскім саборы ў Жыровічах, комплексе былой сядзібы ў вёсцы Волма Дзяржынскага раёна, Спаса-Праабражэнскай царквы і комплексе будынкаў езуіцкага калегіума ў Полацку, у Старым замку ў Гродне. Завяршэнне работ плануецца ў былым калегіуме езуітаў у вёсцы Юравічы Калінкавіцкага раёна, Косаўскім Палацава-паркавым ансамблі, Палацава-паркавым ансамблі і ў палацы Булгакаў у вёсцы Жылічы.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты23
Каментары