Рынат Ахметаў падасць на Расію судовы пазоў на 17—20 мільярдаў даляраў
Кампенсацыю самы багаты чалавек Украіны запатрабуе за знішчэнне ды пашкоджанне марыупальскай «Азоўсталі» і іншых прадпрыемстваў, якія яму належалі, перадусім на Данбасе.
«Пасля пачатку шырокамаштабнага наступлення Расіі 24 лютага 2022 года «Азоўсталь», ММК імя Ільіча, Аўдзееўскі коксахім, Луганская ТЭС і яшчэ дзясяткі аб'ектаў прамысловай інфраструктуры і зялёнай энергетыкі часткова або цалкам знішчаныя, або вымушана выведзеныя з эксплуатацыі. Капіталізацыя гэтых аб'ектаў да пачатку вайны складала дзясяткі мільярдаў даляраў. Адназначна мы прад'явім пазовы да РФ і будзем патрабаваць належную кампенсацыю ўсіх страт і страчанага бізнэсу», — сказаў Ахметаў.
«Ужо вядзецца юрыдычная праца па гэтых пытаннях. Мы будзем прад'яўляць пазовы ва ўсіх міжнародных і нацыянальных інстанцыях», — падсумаваў ён.
«Міс Беларусь» усё больш нагадвае конкурс прыгажосці ў гарэме23
Каментары