Свет

Кіраўнік УПЦ мітрапаліт Ануфрый згадаў патрыярха Кірыла як кіраўнік аўтакефальнай Царквы. Але ёсць нюансы

Кіраўнік Украінскай праваслаўнай царквы мітрапаліт Ануфрый падчас нядзельнай службы згадаў патрыярха Кірыла спосабам, прынятым для кіраўнікоў аўтакефальных (незалежных) цэркваў. Пералічваючы ў малітве кіраўнікоў праваслаўных цэркваў, ён назваў патрыярха Кірыла трэцім — пасля патрыярхаў Антыяхійскага і Іерусалімскага — і прапусціў прынятую раней ва УПЦ фармулёўку «вялікага гаспадара і айца нашага».

Украінская праваслаўная царква да вайны фармальна падпарадкоўвалася патрыярху Маскоўскаму Кірылу. Аднак пасля пачатку поўнамаштабнага ўварвання Расіі ва Украіну многія ўкраінскія святары адмовіліся памінаць Кірыла падчас царкоўных службаў, паколькі ён не толькі не асудзіў уварванне, але фактычна яго і падтрымаў.

У пятніцу ўдзельнікі Сабора Украінскай праваслаўнай царквы выказалі нязгоду з пазіцыяй маскоўскага патрыярха Кірыла і ўнеслі змены ў свой статут, якія замацоўваюць яе «поўную самастойнасць і незалежнасць».

На аснове апублікаванага УПЦ дакумента нельга сцвярджаць, што гэтая Царква сапраўды абвясціла незалежнасць. Але дзеянні мітрапаліта Ануфрыя ў гэтую нядзелю могуць казаць пра тое, у якім кірунку рухаецца УПЦ.

Праўда, пры гэтым пакуль што захоўваецца разрыў адносін з тымі Цэрквамі, якія прызналі аўтакефалію Праваслаўнай царквы Украіны, канкурэтнай Украінскай праваслаўнай царкве.

У тым дыптыху, якім карыстаўся мітрапаліт Ануфрый, не згадваліся Сусветны (Канстанцінопальскі) патрыярх і кіраўнікі трох Цэркваў, якія прызналі ПЦУ, — Эладскай, Александрыйскай і Кіпрскай. 

У сувязі з гэтым намеснік кіраўніка Упраўлення знешніх царкоўных сувязяў ПЦУ Еўстрацій (Зора) лічыць, што УПЦ застаецца ў юрысдыкцыі Маскоўскага патрыярхата, а дэмарш Ануфрыя — проста «дымавая заслона».

«Гэта значыць, Кірыла — блаславіцеля забойцаў — ён памінае, а Варфаламея, які моліцца за Украіну, — не. На самай справе — гэта спосаб завуаляваць працяг памінання Кірыла.

Ніякая гэта не аўтакефалія — гэта проста дымавая заслона. Мітрапаліт Уладзімір у 2011 годзе гэтак жа сама памінаў — тады таксама была аўтакефалія?» — напісаў Еўстрацій у Facebook.

Чытайце таксама:

Тэолаг: Выхад УПЦ з-пад кіраўніцтва Маскоўскага патрыярхата адбыўся, і ён носіць не тактычны, а стратэгічны характар

Сабор УПЦ МП абвясціў дэмарш патрыярху Кірылу і заявіў пра самастойнасць Царквы

Патрыярх Кірыл пракаментаваў заяву УПЦ аб незалежнасці, не ўзгадваючы яе

Архіепіскап Еўстрацій: Ідэі Пуціна — гэта не загадкавасць рускай душы, не варыянт нормы, а абсалютнае зло — такое ж, якім некалі быў нацызм

Каментары

Цяпер чытаюць

Беларусам, якія прыедуць у Расію, будуць на першыя суткі адключаць інтэрнэт6

Беларусам, якія прыедуць у Расію, будуць на першыя суткі адключаць інтэрнэт

Усе навіны →
Усе навіны

Каля 200 турыстаў апынуліся ў пастцы снежнай буры на Эверэсце

Вацлаў Гавэл таксама адмовіўся выйсці з турмы пры ўмове выезду за мяжу. Але ён быў зусім непадобны да лідараў беларускай апазіцыі17

Сёння пачынаецца абвяшчэнне нобелеўскіх прэмій2

Навуковец: Людзі могуць жыць не даўжэй за 120‑150 гадоў. А азэмпік патэнцыйна карысны супраць старэння6

«Жыццёвы цыкл штурмавіка — 12 дзён». Z-блогер шчыра прызнаўся, чаму не падпісвае кантракт з Мінабароны25

Фёдар Паўлючэнка: У чым не мае рацыі Юлія Міцкевіч? Турма што, робіць кагосьці лепшым? Прыгажэйшым? Багацейшым?24

Польшча замарожвае тэрміны разгляду спраў па міжнароднай абароне да сакавіка 2026 года9

Просты трук, як выбраць шкарпэткі патрэбнага памеру5

Пад Кіевам «мабілізавалі» ката. Вайсковец хацеў падарыць дзіцяці ката з прытулку, але забраў на вуліцы чужога3

больш чытаных навін
больш лайканых навін

Беларусам, якія прыедуць у Расію, будуць на першыя суткі адключаць інтэрнэт6

Беларусам, якія прыедуць у Расію, будуць на першыя суткі адключаць інтэрнэт

Галоўнае
Усе навіны →

Заўвага:

 

 

 

 

Закрыць Паведаміць