Наталлю Дуліну чарговы раз затрымалі 3 чэрвеня. Гэтым разам былому дацэнту МДЛУ інкрымінуюць «дробнае хуліганства» (артыкул 19.1). Маўляў, нецэнзурна лаялася і размахвала рукамі. Пра гэта паведамляе тэлеграм-канал Каардынацыйнай рады.
Хадайніцтва Наталлі адносна прагляду матэрыялаў камер назірання суддзя адхіліла. Да ведама былі прынятыя толькі паказанні сведкі — супрацоўніка міліцыі.
Наталлю Дуліну затрымліваюць ўжо трэці раз за гэты год. Менш за месяц таму, 10 мая, Наталля выйшла на свабоду пасля 15 сутак зняволення за «распаўсюд экстрэмісцкіх матэрыялаў». Да гэтага яна адседзела 15 сутак за ўдзел у антываеннай акцыі 27 лютага.
Каментары