Над рыжскай ратушай паднялі беларускі сцяг. У цырымоніі ўзяла ўдзел Ціханоўская
8 чэрвеня над ратушай Рыгі быў узняты бела-чырвона-белы сцяг. Цырымонію правяла Святлана Ціханоўская разам з мэрам латвійскай сталіцы Марціньшам Стакісам. Відэа апублікаваў у сацсетках Анатоль Лябедзька.
Ціханоўская сёння пачала працоўны візіт у Латвію, падчас якога запланаваныя яе сустрэчы з прэзідэнтам краіны Эгілсам Левітсам і прэм'ер-міністрам Крыш'янісам Карыньшам. Таксама яна правядзе перамовы са спікерам латвійскага Сейма Інарай Мурніеце, міністрам замежных спраў Эдгарсам Рынкевічсам. Ціханоўская павінна выступіць са зваротам да дэпутатаў латвійскага Сейма.
Мэр Рыгі Марцінш Стакіс не першы раз адзначаецца ўдзелам ва ўзняцці беларускай нацыянальнай сімволікі. У 2021 годзе падчас чэмпіянату свету па хакеі ў Рызе Стакіс вывесіў бела-чырвона-белы сцяг замест чырвона-зялёнага на плошчы, дзе былі вывешаныя сцягі краін-удзельніц турніру. Пасля гэтага ў Беларусі ў дачыненні да Стакіса нават распачалі крымінальную справу, а з Мінска амаль поўным складам выслалі амбасаду Латвіі.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65
Каментары