Расія дазволіць экспарт беларускіх нафтапрадуктаў праз усе свае парты
Расія і Беларусь пашыраць дзеянне пагаднення аб перавозцы і перавалцы нафтапрадуктаў на ўсе марскія парты РФ. Такое рашэнне прыняў урад Расіі 9 чэрвеня 2022 года. Дакумент апублікаваны на афіцыйным інтэрнет-партале прававой інфармацыі РФ.
Як адзначае reform.by, раней пагадненне прадугледжвала магчымасць перавозкі беларускіх нафтапрадуктаў чыгуначным транспартам і іх перавалку ў марскіх партах Паўночна-Заходняга рэгіёна РФ. Цяпер згадка рэгіёна будзе выключаная і дзеянне пагаднення распаўсюдзіцца на іншыя парты.
Пагадненне было падпісанае ў лютым 2021 года. У адпаведнасці з ім, у 2021-2023 гадах планавалася пераваліць 9 836 000 т нафтапрадуктаў, уключаючы мазут, газойль, бензін і алей.
«Пасля ўвядзення санкцый асноўны збыт ішоў праз Украіну». Што цяпер адбываецца з нафтаперапрацоўкай
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары