Паўла Севярынца ў шклоўскай калоніі пазбавілі працяглага спаткання
Мінулае працяглае спатканне было ў палітвязня ў снежні 2021 года, паведамляе «Вясна».
У красавіку адміністрацыя папраўчай калоніі № 17 прызнала лідара Беларускай хрысціянскай дэмакратыі «злосным парушальнікам рэжыму». Тады яму скарацілі дазволеную колькасць званкоў дадому і грашовых пераводаў.
Нядаўна Севярынец паведаміў родным, што яго пазбавілі і працяглага спаткання.
Нагадаем, у траўні 2021 Севярынцу і яшчэ шасці палітвязням прысудзілі ад чатырох да сямі гадоў калоніі. Вядома толькі, што іх абвінавачвалі па некалькіх частках «пратэснага» артыкула 293 Крымінальнага кодэкса, бо суд праходзіў у закрытым рэжыме. За кратамі Паўла ўтрымліваюць больш за два гады, ён быў затрыманы 31 мая 2020 года.
Падтрымаць Севярынца можна па адрасе: ПК №17, 213004, г. Шклоў, вул. 1-я Заводская, 8, Павел Канстанцінавіч Севярынец.
Разведка ЗША: Беларусь стала перадавым вайсковым плацдармам Расіі24
Каментары