Прэзідэнт Украіны Уладзімір Зяленскі падпісаў указ, якім звольніў паслоў Германіі, Венгрыі, Чэхіі, Нарвегіі і Індыі.
Звальненне пасла Украіны ў Германіі — самае заўважнае, бо і сам Мельнік — вельмі яскравы.
Ён вядомы сваім вострым языком, журналісты вядуць спісы абражаных ім людзей. Прынамсі Мельнік назваў канцлера ФРГ «пакрыўджанай лівернай каўбасой», і гэта прыжылося. Некаторыя аналітыкі пісалі, што такая дыпламатыя не ідзе на карысць Украіне.
Выданне Bild са спасылкай на свае крыніцы на пачатку ліпеня пісала, што Мельнік неўзабаве можа быць адкліканы ў Кіеў. Але не ў якасці пакарання, а на павышэнне.
Паводле інфармацыі суразмоўцаў газеты, Мельнік будзе прызначаны намеснікам кіраўніка МЗС Украіны.
«Гэтая прапанова была зробленая Міністэрствам прэзідэнту Украіны. Андрэя Мельніка вельмі цэняць за яго працу», — удакладніла крыніца выдання ва ўрадзе Украіны.
Чытайце таксама:
Чаму Германія так і не пачала пастаўляць ва Украіну цяжкае ўзбраенне
Наста Базар паступіла на праграму Каліноўскага і хоча стаць сацыялагіняй: «Вучоба пасля 40 гадоў — своеасаблівы эліксір маладосці»73
Каментары