Беларуску Яну Пінчук экстрадуюць з Расіі. Тут яе абвінавачваюць па пяці артыкулах
Яну затрымалі ў лістападзе 2021 года ў яе кватэры ў Пецярбургу.
У Беларусі віцяблянку абвінавачваюць па пяці артыкулах: паклёп (артыкул 188 КК), незаконныя дзеянні з персанальнымі данымі іншай асобы (частка 3 часткі 203-1 КК), распальванне сацыяльнай варожасці (частка 3 артыкула 130 КК), Стварэнне і кіраўніцтва экстрэмісцкім фармаваннем (частка 1 і 2 артыкула 361-1 КК), заклікі да дзеянняў супраць нацбяспекі (Частка 3 артыкула 361 КК), што можа пагражаць да 20 гадоў зняволення, нагадвае mediazona.by.
20 ліпеня «Медиазона» пісала, што здароўе Пінчук пагоршылася. Па словах яе мужа Мікіты Сафронава, Пінчук не аказваюць медыцынскую дапамогу ў Пецярбургскім СІЗА-5. Ён таксама ўдакладніў, што даведаўся пра стан жонкі з ліста. Па словах Сафронава, Пінчук хварэе «ужо амаль месяц» і не атрымлівае ніякай медыцынскай дапамогі. Нягледзячы на тэмпературу ў 39 градусаў, ёй не давалі гарачкапаніжальнага.
18 красавіка Расія ўхваліла запыт на экстрадыцыю віцяблянкі ў Беларусь. У пастанове аб выдачы паказана, што, па версіі следства, яна кіравала трыма тэлеграм-каналамі: «Віцебск 97%», «Орша 97%» і «Наваполацк і Полацк 97%»; усе тры прызнаныя «экстрэмісцкімі».
Тым не менш, 12 ліпеня Камітэт па правах чалавека ААН папрасіў Расію не выдаваць беларуску Яну Пінчук на радзіму. Адвакатка абвінавачанай Марыя Бяляева тлумачыла, што гэта быў першы выпадак умяшання структуры ААН у справы аб дэпартацыі з Расіі беларускіх апазіцыянераў.
Цяпер чытаюць
Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў19
Каментары
Россия сейчас,пожалуй намного злее Беларуси.
Возможно, каким-то образом свяжут с выдачей Сапего.