З мяшком на галаве і звязанымі рукамі. Расіяне вывезлі ўкраінскага падлетка ў дзіцячы дом у Беларусі, але там яго выратавалі
Украінскія следчыя завялі справу аб гвалтоўным перамяшчэнні расійскімі вайскоўцамі ўкраінскага падлетка ў Беларусь, піша «Радыё Свабода».
Непаўналетняга хлопца затрымалі 26 сакавіка разам з яго старэйшым братам на адным з расійскіх блок-пастоў у Вышгарадскім раёне Кіеўскай вобласці, калі яны на роварах вярталіся дадому ад сваёй сястры з вёскі Прыбірск у гэтым жа раёне.
Гэтая гісторыя апісаная ў адным з судовых рашэнняў, вынесеных па справе супраць расійскіх вайскоўцаў па факце парушэння законаў і звычаяў вайны, якая расследуецца з 9 чэрвеня.
Пасля затрымання расіяне праверылі іх дакументы, раздзелі і аглядалі целы хлопцаў у пошуках тату. Калі нічога падазронага не знайшлі, загадалі ім чакаць, а паміж сабой пачалі размаўляць пра тое, што браты нібыта з'яўляюцца дыверсантамі.
Праз гадзіну пасля гэтага хлопцаў пасадзілі ў БТР з надпісам «V» і павезлі іх у кірунку Чарнобыля. Па дарозе ім спачатку нацягнулі на галовы мяшкі для смецця, а потым спыніліся, вывелі з БТР, завязалі клейкай стужкай рукі і пачалі біць, абвінавачваючы іх у дыверсійнай дзейнасці.
Потым братоў, адзін з якіх быў непаўналетні, пасадзілі ў аўтобус і з мяшкамі на галовах і завязанымі рукамі павезлі ў невядомым кірунку. Праз нейкі час аўтобус спыніўся і іх завялі ў нейкае памяшканне. Пасля праверкі, якую праводзілі, як яны зразумелі па форме, беларускія памежнікі, братоў раздзялілі — малодшага адправілі ў інтэрнат у Мазыр.
Пазней украінскаму падлетку паведамілі, што яго перамесцяць у дзіцячы дом — спецыяльны педагагічны цэнтр у Мазыры. Але дырэктарка гэтай установы звязалася з прадстаўнікамі Чырвонага Крыжа, каб знайсці бацькоў ці сваякоў хлопчыка. Іх знайшлі, і 22 красавіка хлопец позна ўвечары вярнуўся дадому.
Пра лёс старэйшага брата ў судовым рашэнні не згадваецца. Невядома, дзе ён знаходзіцца, — на тэрыторыі Беларусі ці Украіны, або яго вывезлі ў Расію.
-
Пяскоў: Перамовы Пуціна з Зяленскім магчымыя толькі ў Маскве
-
Мінэнерга Украіны заявіла, што Расія аднавіла ўдары па інфраструктуры. Зяленскі кажа, што мэтанакіраваных удараў не было
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ20
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары