У Беняконях на беларуска-літоўскай мяжы пашыраць паўнамоцтвы мытнікаў
З 1 жніўня ў яшчэ двух пунктах пропуску на беларускай мяжы пашыраць паўнамоцтвы супрацоўнікаў Дзяржаўнага мытнага камітэта. Гаворка ідзе пра аўтамабільны і чыгуначны пункт пропуску «Беняконі», расказалі ў Дзяржаўным мытным камітэце.
У абавязкі мытнікаў у пазначаных пунктах пропуску, акрамя ажыццяўлення мытных аперацый, будзе ўваходзіць праверка дакументаў кіроўцаў грузавікоў, дамоваў абавязковага страхавання ўладальнікаў транспартных сродкаў, кантроль выканання правілаў знаходжання іншаземцаў, а таксама правілаў транзітнага праезду.
Увогуле падобных пунктаў, дзе мытнікі будуць здзяйсняць асобныя функцыі памежнай службы, у Беларусі стане дзевяць. Паведамляецца, што ў хуткім часе абавязкі супрацоўнікаў ДМК пашыраць яшчэ ў 12 пунктах пропуску. Пасля таго мытныя органы будуць ажыццяўляць асобныя функцыі органаў памежнай службы практычна ва ўсіх пунктах пропуску, праз якія ідуць грузавыя аўтамабілі, і яшчэ ў сямі чыгуначных.
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»1
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары