Следчы камітэт: За два гады заведзена больш за 11 тысяч крымінальных спраў за «злачынствы экстрэмісцкай скіраванасці»
Следчы камітэт падвёў вынікі працы за першае паўгоддзе і сярод іншага назваў лічбу, якая сведчыць пра маштабы разгорнутага ў Беларусі пасля выбараў 2020 года дзяржаўнага тэрору. Паводле звестак СК, за перыяд з 9 жніўня 2020 года па 1 ліпеня 2022 года ўзбуджана больш за 11 тысяч крымінальных спраў «аб злачынствах экстрэмісцкай скіраванасці». То-бок, калі ўлічваць спецыфіку лукашэнкаўскага «наваязу» — заведзеных па палітычных матывах.
Следчы камітэт у справаздачы таксама наракае, што, «нягледзячы на ўстойлівае зніжэнне ўзроўню злачыннасці, тэндэнцый да скарачэння нагрузкі ў працы ведамства не назіраецца з-за росту цяжкіх і асабліва цяжкіх злачынстваў». На разглядзе ў следчых — амаль 73 тысячы заяў і паведамленняў аб «учыненых злачынствах». Колькі з іх палітычных — не ўдакладнялася.
У кожным разе палітычныя расправы спыняць ці нават запавольваць не збіраюцца і надалей. Асаблівую ўвагу, падкрэсліваецца ў справаздачы, неабходна «надаць інстытуту спецыяльнай вытворчасці і сфармаваць адзіную практыку». Гаворка — пра нядаўна ўведзеныя завочныя суды, на якіх будуць судзіць тых апанентаў рэжыму, якія выехалі за мяжу.
Цяпер чытаюць
За мінулы год насельніцтва Беларусі скарацілася яшчэ на 53 тысячы чалавек19
Каментары
Они бумажки и отчёты пишут. Какие нахрен расследования.