Як паведамляе карэспандэнт нашага сайту, ля будынку беларускай амбасады (Марасейка, 17), супрацоўнікамі АМОН затрыманыя ўдзельнікі пікету, арганізаванага Саюзам Правых Сіл у падтрымку чальцоў беларускай арганізацыі па назіраньні за выбарамі «Партнэрства». Сярод затрыманых – чальцы СПС Натальля Шаўшукова, Алег Казлоўскі, прадстаўнікі рухаў «Абарона», «Расейскія радыкалы» Георгі Нуманаў і Дзьмітры Злотнікаў.
Затрыманьне адбылося так хутка, што ўдзельнікі пікету нават не пасьпелі разгарнуць плякатаў. Да людзей, што сабраліся ля беларускай амбасады, выйшлі людзі ў міліцэйскай форме, якія не прад’явілі, аднак ні жэтонаў, ні дакумэнтаў, і спрабавалі забараніць ім стаяць менавіта ў гэтым месцы.
Нагадаем, што заяўка на правядзеньне пікету была своечасова пададзена арганізатарамі ў адпаведныя органы. Ніводнаму з арганізатараў не паступала тэлефанаваньняў з мэтай пераносу месца ці часу правядзеньня акцыі.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню37
Каментары