У сталіцы з 1 па 14 жніўня арганізавана 27 дадатковых пунктаў вакцынацыі супраць каранавіруснай інфекцыі. Гаворка ідзе аб прышчэпачных пунктах, якія запрацавалі па-за ўстановамі аховы здароўя.
Пра гэта «Мінск-Навінам» паведаміла галоўны спецыяліст аддзела першаснай медыцынскай дапамогі камітэта па ахове здароўя Мінгарвыканкама Ірына Таўкачова.
Паводле слоў спецыяліста, больш за ўсё пунктаў вакцынацыі (па-за медустановамі) адкрыта ў Савецкім раёне. Там іх шэсць. У Маскоўскім раёне арганізавана пяць прышчэпачных пунктаў, у Партызанскім — чатыры, столькі ж — у Заводскім. Тры пункты вакцынацыі ад кавіду адкрылі ў Першамайскім раёне, два — у Фрунзенскім і па адным у Ленінскім, Кастрычніцкім і Цэнтральным раёнах.
Вакцыны ў гэтых пунктах ёсць, прычым на выбар. У наяўнасці расійскія «Спутнік V», «Спутнік Лайт», кітайская вакцына «Сінафарм». Прышчапляюць толькі дарослых — ад 18 гадоў. Для вакцынацыі пры сабе неабходна мець пашпарт.
Дарэчы, у Беларусі дзяцей і падлеткаў вакцынуюць ужо з пяці гадоў. Але прышчэпкі супраць кавід-інфекцыі непаўналетнім робяць толькі ва ўстановах аховы здароўя.
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады7
Каментары