Галоўнае ўпраўленне разведкі Мінабароны Украіны заяўляе, што спецыялісты з Баранавічаў выязджаюць у камандзіроўкі для аднаўлення расійскіх самалётаў.

Паводле ГУР, тэрміновыя кантракты на рамонтна-аднаўленчыя работы авіяцыйнай тэхнікі падпісалі Міністэрства абароны Беларусі і ўрад РФ.
У прыватнасці, сцвярджае ГУР, супрацоўнікі 558-га авіярамонтнага завода (г. Баранавічы) перыядычна выязджаюць у камандзіроўкі ў складзе «выязных груп» для правядзення работ па аднаўленні і ўводу ў эксплуатацыю авіяцыйнай тэхнікі на 121-м авіярамонтным заводзе (Маскоўская вобласць).
Паводле ГУР, у асноўным работы праводзяцца на самалётах тыпу МіГ-29 і яго мадыфікацыях — беларускія спецыялісты ажыццяўляюць работы па іх зняцці з захоўвання і кансервацыі для наступнага прымянення ў вайне супраць Украіны.
Каментары