Стваральнік Тэлеграма Павел Дураў, уражаны вынікамі нядаўняга аўкцыёна wallet-імёнаў TON (The Open Network), анансаваў стварэнне пляцоўкі, на якой можна будзе купіць або прадаць юзернэймы ў тэлеграме, а ў будучыні і іншыя элементы экасістэмы, уключаючы стыкеры або эмодзі.
«Калі TON змог дамагчыся такіх уражлівых вынікаў, то ўявіце, наколькі паспяховым можа быць Telegram з ягонымі 700 мільёнамі карыстальнікаў, калі выставіць на аўкцыён даменныя імёны карыстальнікаў», — адзначыў Дураў.
Акрамя мільёнаў «прыгожых» зарэзерваваных адрасоў, накшталт @storm або @royal, можна было б выставіць на продаж усе чатырохлітарныя імёны карыстальнікаў (@bank, @club, @game, @gift і іншыя). Гэта можа стаць часткай платформы, дзе ўладальнікі юзэрнэймов маглі б перадаваць іх зацікаўленым асобам у рамках абароненых здзелак — з замацаваннем правоў уласнасці ў блокчэйне пры дапамозе смарт-кантрактаў, падобна да NFT.
Іншыя элементы экасістэмы тэлеграма, уключаючы каналы, стыкеры або эмодзі, пасля таксама могуць стаць часткай гэтага рынку. Пры гэтым у якасці базавага блакчэйну каманда месэнджара схіляецца выбраць TON, бо менавіта для яго яна «можа ствараць куленепрабівальныя смарт-кантракты».
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары