Германія і Вялікабрытанія гатовыя да зімы без дадатковага імпарту газу з Расіі
Дзве найбуйнейшыя краіны Еўропы, Германія і Вялікабрытанія, назапасілі больш за 80% прыроднага газу, неабходнага на зімовы перыяд, піша «Радыё Свабода».
Як паведаміла Нямецкае агенцтва энергетычных сетак (Bundesnetzagentur), на 24 жніўня газавыя сховішчы Германіі запоўненыя прыродным газам на 80,65%, і гэтага аб’ёму дастаткова для забеспячэньня краіны на зіму.
У ідэале, энергетычныя кампаніі Германіі хацелі б да 1 кастрычніка павялічыць аб’ём запасаў да 85%, а да 1 лістапада — да 95%. Тым не менш, агенцтва папярэдзіла пра павелічэнне цаны газу і заклікае яго эканоміць.
Нацыянальнае статыстычнае агенцтва Вялікабрытаніі паведаміла, што ўжо ў чэрвені 2022 года краіна практычна цалкам спыніла імпарт энерганосьбітаў з Расіі — упершыню з моманту пачатку вядзення адпаведнай статыстыкі ў 1997 годзе.
У 2021 годзе Вялікабрытанія імпартавала з Расіі 4,9% ад усяго газу, які спажываюць у краіне, і 11% — нафты. Расійскі газ краіна замясціла пастаўкамі з іншых краін, якія здабываюць газ.
У чэрвені Еўрасаюз упершыню ў сваёй гісторыі імпартаваў больш звадкаванага газу з ЗША, чым трубаправоднага газу з Расіі. Аднак, улічваючы маштабы імпарту газу з Расіі ў мінулыя гады, Еўропа можа сутыкнуцца з газавым крызісам, калі гэтай зімой энерганосьбіты рэзка падаражэюць.
-
Два гады таму ЗША прыслалі самалёт і забралі ў дыктатара Нікарагуа 222 палітвязняў. Што з імі адбывалася далей?
-
Трамп даў Пуціну яшчэ два тыдні і дапусціў, што запросіць яго на чэмпіянат свету па футболе
-
«Я вельмі злы з-за гэтага. Перадай Славакіі». Трамп адказаў Орбану на ягоную скаргу на ўкраінцаў
Каментары