Машына Ford Escort RS Turbo S1, якая належала брытанскай прынцэсе Дыяне з 1985 па 1988 год, пайшла з малатка на аўкцыёне Silverstone. Новы ўладальнік заплаціў за аўто 724,5 тыс. фунтаў стэрлінгаў, або больш за 851 тыс. даляраў, паведамляецца на сайце пляцоўкі.
Прынцэса карысталася машынай нячаста: прабег аўтамабіля на цяперашні момант крыху меншы за 25 тыс. міль, або 40 тыс. км. А за гады, якія ім валодала Дыяна, ён і ўвогуле праехаў усяго каля 6800 міль, або менш за 11 тыс. км.
Першапачаткова Ford быў бэжавым, але яго вырашылі перафарбаваць у чорны колер з пункту гледжання бяспекі. Прадугледжанае ў машыне дадатковае люстэрка задняга віду для супрацоўніка аховы, а ў бардачку аўтамабіля ёсць радыёпрыёмнік.
Пры гэтым выбар такога аўто лічыўся неардынарным для прадстаўніка каралеўскага двара, бо ў машыны тады была рэпутацыя занадта народнай.
Машына вядомая яшчэ і тым, што часцяком трапляла ў кадр, калі Дыяна прыязджала на ёй па пакупкі ў буцікі Чэлсі, а таксама паркавалася каля рэстаранаў Кенсінгтона. Прадстаўнікі аўкцыёну ўдакладнілі, што на некаторых фотаздымках можна ўбачыць на заднім сядзенні аўто маленькага прынца Уільяма, спадчынніка брытанскага трону.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары