Расіяне скупляюць квіткі на авіярэйсы. Эканамісты кажуць пра новую хвалю эміграцыі
Яшчэ ўчора, калі чакаўся выступ прэзідэнта РФ, расіяне сталі гугліць, «як з’ехаць з Расіі». Сёння яны раскупілі авіяквіткі на найбліжэйшыя дні.
Нягледзячы на тое, што Пуцін абвясціў «частковую» мабілізацыю, расіяне кінуліся скупляць авіябілеты туды, куды яшчэ могуць уляцець. Пасля ўвядзення санкцый праз вайну ва Украіне магчымасцей у іх засталося не так і шмат.
Самыя папулярныя накірункі — Беларусь, Арменія, Азербайджан, Сербія, Турцыя, Грузія і Казахстан.
Квіткі на найбліжэйшыя пару дзён па гэтых напрамках раскупленыя, на пятніцу, 23 верасня, квіткі часта каштуюць ад тысячы даляраў.
Яшчэ нядаўна расіяне маглі выехаць у краіны «шэнгена» на машыне ці аўтобусе (Еўрасаюз закрыў неба для расійскіх самалётаў з-за вайны ва Украіне), але з 19 верасня Літва, Латвія і Эстонія перасталі пускаць грамадзян РФ з турыстычнымі візамі.
Застаецца магчымасць вылецець праз Беларусь. На заўтра і пятніцу можна купіць квіток з Масквы ў Мінск за 1922 беларускія рублі. Гэта без багажу.
Пасля звароту Пуціна не было афіцыйных заяваў пра якія-небудзь забароны на выезд з Расіі, звязаныя з «частковай мабілізацыяй». Але такая магчымасць не выключаная. У артыкуле 21 закона «аб мабілізацыйнай падрыхтоўцы і мабілізацыі» сказана, што «грамадзянам, якія стаяць на вайсковым уліку, з моманту абвяшчэння мабілізацыі забараняецца выезд з месца жыхарства без дазволу ваенных камісарыятаў, федэральных органаў выканаўчай улады».
Эканамісты мяркуюць, што праз мабілізацыю эміграцыя з Расіі павялічыцца і можа перавысіць вясновую хвалю. Уцёкі кваліфікаваных, высокааплатных кадраў з Расіі могуць мець большы ўплыў на эканоміку, чым сама па сабе мабілізацыя — паводле планаў уладаў, у 300 тысяч чалавек.
Рэпрэсіі разганяюцца ці запавольваюцца? Давайце лічыць9
Рэпрэсіі разганяюцца ці запавольваюцца? Давайце лічыць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары