СБУ: Настаўнікаў з акупаваных тэрыторый будуць судзіць за сам факт працы на акупантаў, медыкаў — толькі калі займалі кіраўнічыя пасады
Служба бяспекі Украіны патлумачыла, за што настаўнікам і медыкам, якія жылі і працавалі на акупаваных тэрыторыях, пагражае пакаранне. Аказалася, што адказнасць будзе няроўная: калі медыкі могуць разлічваць на разуменне іхняй сітуацыі, то настаўнікі не.
«Настаўнікі і выкладчыкі, якія на акупаваных тэрыторыях пагадзіліся навучаць школьнікаў і студэнтаў паводле расійскіх стандартаў, будуць несці крымінальную адказнасць, а медыкі будуць пакараныя толькі ў выпадку згоды займаць кіроўныя пасады пры акупантах», — паведаміў прэс-сакратар Службы бяспекі Украіны Арцём Дзехцярэнка на брыфінгу 23 верасня.
Дзехтяренка адзначыў: «Зразумела, што пэўныя сферы жыццядзейнасці знаходзяцца пад аховай міжнароднага заканадаўства. Гэта значыць, умоўна:
медык, які выконвае сваю клятву Гіпакрата і ратуе жыцці людзей, вызвалены ад адказнасці, бо ў яго дзеяннях няма калабарацыянізму або дзяржаўнай здрады.
Разам з тым, калі гэты чалавек пагодзіцца заняць кіруючую пасаду ў псеўдаоргане аховы здароўя, тады мы будзем прымаць адпаведныя меры.
Што тычыцца работнікаў адукацыйнай сферы, то ім трэба быць больш пільнымі, таму што ў рамках дзейнага заканадаўства…
калі супрацоўнік сферы адукацыі будзе ўкараняць адукацыйныя стандарты дзяржавы-агрэсара ва ўкраінскіх навучальных установах або будзе спрыяць усталяванню акупацыйнай улады ў гэтым часова акупаваным рэгіёне, то ён будзе адказваць па законе».
3 сакавіка 2022 года Вярхоўная рада ўнесла ў КК артыкул 111-1 аб калабарацыйнай дзейнасці. Гэты артыкул прадугледжвае адказнасць настаўнікаў, якія вучылі дзяцей на акупаваных тэрыторыях: яны могуць быць асуджаныя да 3 гадоў пазбаўлення волі або грамадскіх работ тэрмінам на 2 гады.
Цяпер чытаюць
Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»23
Каментары
Где этот сбушник был, когда русаки за 2 дня 4 области захватили?
Во Львове ошивался?