Тарыфы электразараджальных станцый Malanka на зарадку электрамабіляў вырастуць, паведамляецца ў тэлеграм-канале сеткі.
Электразараджальная станцыя Malanka. Фота: malankabn.by
Так, кошт павольнай зарадкі вырасце з 0,35 да 0,4 руб./кВт·г, а хуткай — з 0,45 да 0,49 руб./кВт·г.
Плату за зарадку электрамабіляў на ўсіх ЭЗС Malanka ўвялі са студзеня мінулага года. Тады за кВт·г трэба было аддаць ад 0,29 руб. (павольная зарадка) да 0,39 руб. З мая бягучага года паслуга падаражэла да сённяшніх тарыфаў.
Паводле інфармацыі Міністэрства энергетыкі, у Беларусі цяпер зарэгістравана 10 тысяч электрамабіляў, каля 2 тысяч з іх — у Мінску.
Каментары