Жылы квартал будзе называцца «Аўгустоўскі» і з'явіцца ён у мікрараёне Баранавічы-9, у раёне вуліц Ткацкай і Юбілейнай. Недалёка адсюль — выезд на Аўгустоўскі канал, піша партал newgrodno.by.
Усяго тут маюць пабудаваць 57 дамоў. Будаўніцтва першых 8 таўнхаўсаў ужо стартавала.
Дамы першай чаргі разлічаныя на 2 кватэры. Пад кожную выдзелены ўчастак у 6 сотак. Усе катэджы будуць выкананыя ў адным архітэктурным стылі.
Плошча кожнай кватэры будзе каля 100 «квадратаў». Здаваць дамы будуць без аздаблення. Праектам прадугледжаныя дзве спальні, кухня-гасцёўня, санвузел і тэраса з боку двара. Але можна замовіць і індывідуальную планіроўку.
Да дамоў падвядуць усе камунікацыі. Ацяпленне прадугледжанае газавае. Пліты на кухні пры гэтым будуць электрычныя. Тэрыторыю кожнага ўчастка загародзяць, побач з домам абсталююць паркоўку.
Каментары