Пасля абстрэлу ўкраінскіх гарадоў узніклі праблемы з электрычнасцю ў Малдове
Адключылася лінія Вулканешты-Ісакча, па якой Малдова імпартуе электраэнергію з Румыніі. Назіраюцца перабоі ў Прыднястроўі, Бельцах, Кагуле, Сароках, Бендэрах і нават у Кішынёве, дзе спыніліся тралейбусы.
«У выніку абстрэлу Расіяй украінскай энергасістэмы на працягу апошняй гадзіны аўтаматычна адключылася адна з ліній электраперадач, якая забяспечвае перадачу электраэнергіі для нашай краіны (аўтаматычны скід нагрузкі па частаце). Гэта прывяло да масавых адключэнняў электраэнергіі па ўсёй краіне», — напісаў віцэ-прэм'ер малдоўскага ўрада Андрэй Спыну ў тэлеграме.
Ва Украіне сітуацыю пасля сённяшніх абстрэлаў энергетычнай інфраструктуры назвалі «крытычнай».
Прэс-сакратар Міністэрства замежных спраў Украіны Алег Ніколенка ў сувязі з адключэннем электраэнергіі для Малдовы адзначыў: «Гэта яшчэ раз пацвярджае, што расійская агрэсія выйшла далёка за межы Украіны. Дзеянні Расіі пагражаюць не толькі бяспецы нашай краіны».
Усяго падчас сённяшняй атакі па аб'ектах крытычнай грамадзянскай інфраструктуры Украіны расіяне выпусцілі каля 100 ракет і тым самым перакрылі папярэдні «рэкорд», устаноўлены 10 кастрычніка. Тады было выпушчана 84 ракеты, паведаміў прэс-сакратар украінскіх ВПС Юрый Ігнат.
Чытайце таксама:
Расія праводзіць масавы ракетны абстрэл украінскіх гарадоў
-
У Чарнаўцах падчас ускрыцця цела вайскоўца, перададзенага ў рамках абмену з РФ, выявілі гранату
-
З’явіліся спадарожнікавыя здымкі з наступствамі ўдару ракет па бранскім заводзе мікраэлектронікі — ён разбураны
-
Расійскія ваенкары заяўляюць, што страты дасягнулі непрымальнага ўзроўню. «Чакае нас рэмейк восені 2022 года»
Каментары