Сямёра таксістаў у Менску затрыманы за працу на тэлефонных ашуканцаў, паведамілі ў тэлеграм-канале Міністэрства ўнутраных спраў.
За ўдзел у злачынных схемах тэлефонных махляроў былі затрыманыя сямёра сталічных кіроўцаў таксі. Мужчыны атрымлівалі замовы на дастаўку, забіралі ў пажылых мінчан пакеты з буйнымі сумамі і перавозілі на іншыя адрасы. Дваіх фігурантаў затрымалі з доказамі злачынства, астатнія паспелі перадаць пасярэднікам больш за $22 тыс.
У МУС настойліва рэкамендуюць кіроўцам розных службаў дастаўкі звяртаць увагу на знешні выгляд рэчаў і эмацыйны стан асоб, якія перадаюць пасылкі. Часцей за ўсё тэлефонныя аферысты просяць разам з грашыма перадаць ручнікі, прасціны або прадметы гігіены.
Што тычыцца пажылых ахвяраў злачынства, яны выглядаюць спалоханымі ці заплаканымі. Пры ўзнікненні падазрэння трэба заставацца на месцы і звярнуцца ў міліцыю. Кур’еры тэлефонных аферыстаў нясуць аднолькавую крымінальную адказнасць з арганізатарамі злачынстваў.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары