Грамадства22

Расійскі бізнэсовец выкупіў палац Радзівілаў у Дзятлаве. Ён заплаціў за яго 96 рублёў

Размешчаны ў Дзятлаве былы палац Радзівілаў набыў новага ўласніка. Унікальная гістарычная пабудова, якая мае 270-гадовую біяграфію, сышла з малатка ўсяго за 100 рублёў, піша «Вячэрні Гродна».

Фота: Holiday.by

Пакупніка палаца ў Дзятлаве шукалі некалькі гадоў. Аднак паколькі яшчэ ніводныя таргі не ўвянчаліся поспехам, таму пачатковы кошт палаца да аўкцыёну, які адбыўся ў камітэце «Гроднааблмаёмасць» у аўторак, знізіўся да 3 базавых велічынь за ўвесь будынак (96 рублёў на сёння).

Таргоў, дарэчы, не было — зарэгістраваўся толькі адзін удзельнік. У такім выпадку аўкцыён не праводзяць, а адзіны прэтэндэнт даплачвае 5% да пачатковай сумы.

Сам палац знаходзіўся ва ўласнасці Дзятлаўскага раёна. Агульная плошча двухпавярховай пабудовы ў стылі барока — 1527 квадратных метраў. У яго ёсць склеп і чатыры прыбудовы. Плошча самога ўчастка — 41 сотка. Пакупнік атрымаў гэтую зямлю ў арэнду тэрмінам на 50 гадоў. 

Цяпер палац належыць бізнэсоўцу з Расіі. Асабіста ён не змог прысутнічаць на таргах, таму яго інтарэсы прадстаўляла беларуска Святлана, якая выступала ў ролі даверанай асобы прадпрымальніка. Паводле яе слоў, яе кліент не нарадзіўся ў Беларусі і не жыў тут, аднак ён неаднаразова наведваў нашу краіну ў якасці турыста. Ён шануе даўніну і хоча захаваць культурную спадчыну для цяперашніх пакаленняў.

— Што менавіта з'явіцца там пасля рэканструкцыі, на гэты момант вырашаецца і абмяркоўваецца. Аднак магу сказаць дакладна, што палац будзе мець толькі сацыяльную накіраванасць, аб камерцыялізацыі аб'екта гаворкі не ідзе. Паколькі там раней была бальніца, магчыма, з'явіцца рэабілітацыйны цэнтр або іншая ўстанова для дапамогі людзям, — адзначыла Святлана.

Па яе словах, нягледзячы на тое, што будынак пуставаў апошнія шэсць гадоў, ён захаваўся ў прыстойным стане. Асабліва жанчыне спадабаліся старадаўнія скляпеністыя падвалы, якія нагадваюць таямнічыя падзямеллі.

Па ўмовах таргоў у новых уласнікаў ёсць не больш за два гады з дня заключэння дагавора куплі-продажу на тое, каб распрацаваць праектную дакументацыю на правядзенне рэканструкцыі або капрамонту.

Самі будаўнічыя работы трэба правесці ў тэрміны, пазначаныя ў праекце, аднак не пазней чым пяць гадоў з дня заключэння дагавора.

Каментары2

  • Юзік са станцыі Крулеўшчына
    30.11.2022
    Спадзяюся не будзе так, як у Лынтупах (пад Паставамі). Таксама выкупіў расеец закінуты палац Бішэўскіх у стылі нэарэнесанс з каналамі і паркам. Толькі навёў аб'ектыў, як выбег з палацу секьюрыці... -- Нельзя фотографіровать, частная собсвенность!!! І как вы сюда пробраліся? Всё огорожено! Убірайтесь, быстро! 
    І паўсюль камеры відэаназірання! 
  • Зьміцер
    02.12.2022
    Калі ва ўладзе ватнікі ды іхнія халуі, тады і гістарычныя каштоўнасьці скупаюць так сама ватнікі.

Цяпер чытаюць

Васкрасенскі: Адкрываецца неба — і Алесь Бяляцкі адразу выходзіць2

Васкрасенскі: Адкрываецца неба — і Алесь Бяляцкі адразу выходзіць

Усе навіны →
Усе навіны

Памёр Мікола Люцко

Іван Краўцоў: Заявы Ціханоўскай выглядаюць крывадушнымі54

Выйшаў на волю былы старшыня яўрэйскай абшчыны ў Гродне

Трамп сказаў, што ЗША давядзецца зноў пастаўляць зброю Украіне. Пентагон адразу ж абвясціў, што ўжо пачынае пастаўкі5

«Я быў у такой дупе, але паглядзіце на мяне». Стаўкі давялі беларуса да дна — ён расказвае, як выбраўся назад3

«Мне было 15». Былы студэнт абвінаваціў выкладчыка і кіраўніка ансамбля «Белая Русь» у дамаганнях, якія цягнуліся каля года13

Адзін укол — і слых вяртаецца. Навукоўцы зрабілі прарыў у лячэнні глухаты1

Былому намесніку начальніка расійскага Генштаба далі 17 гадоў зняволення1

«Плыве так вальяжна». У Бярозе ў возеры завялася «наша капібара» ВІДЭА

больш чытаных навін
больш лайканых навін

Васкрасенскі: Адкрываецца неба — і Алесь Бяляцкі адразу выходзіць2

Васкрасенскі: Адкрываецца неба — і Алесь Бяляцкі адразу выходзіць

Галоўнае
Усе навіны →

Заўвага:

 

 

 

 

Закрыць Паведаміць