Комік з «Лігі смеху» выправіўся ў паход з Кіева да Херсона, каб сабраць 50 тысяч даляраў на Starlink
Украінскі комік Марк Куцавалаў, удзельнік «Лігі смеху», адправіўся ў пешае падарожжа з Кіева ў Херсон. Усё, каб сабраць два мільёны грыўняў (каля 54 тысяч даляраў) на сістэмы спадарожнікавага інтэрнэту Starlink у пункты абагрэву Херсона.
«Прывітанне! Вы на сувязі? Добра, а вось у Херсоне з гэтым праблема! Менавіта таму я зноў у дарозе, каб сабраць 2 000 000 грн на «Старлінкі» ў пункты абагравання Херсона.
Мой маршрут Кіеў—Херсон. І гэта не жарты. Пешшу. Да Новага года», — напісаў комік 11 снежня.
12 снежня ён пачаў паход.
Два дні таму комік паведаміў, што ўжо сабраў першы мільён грыўняў (каля 27 тысяч даляраў).
Гэта ўжо другі дабрачынны паход Марка. У жніўні ён прайшоў 850 кіламетраў і сабраў 2 850 000 грыўняў. На гэтыя грошы набылі тры машыны хуткай дапамогі і ўседарожнік для вайскоўцаў.
Цяпер чытаюць
«Забіць яго ці адрэзаць яму яйкі я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе12
Каментары
Победы Украине и до новых встреч на Лиге Смеха!