Крэмль заявіў, што Пуцін быў на перадавой. Але яна, падобна, знаходзілася ў Растове-на-Доне
Пасля паездкі прэзідэнта Украіны Уладзіміра Зяленскага ў Бахмут, за які цяпер вядуцца моцныя баі, у сеціве з'явілася інфармацыя, што расійскі кіраўнік Уладзімір Пуцін таксама быў на фронце. Аднак журналісты-расследавальнікі запэўніваюць, што на кадрах з той паездкі — Растоў-на-Доне, піша «Украінская праўда».
Праз некалькі гадзін пасля навіны аб тым, што Зяленскі ў Бахмуце, дэпутат расійскага парламента Андрэй Гурулёў напісаў, што Пуцін быў «у зоне спецыяльнай ваеннай аперацыі». Увечары ўжо прэс-сакратар Крамля Дзмітрый Пяскоў заявіў, што словы Гурулёва нібыта праўда: «Калі ён мае на ўвазе штаб, дзе ён быў у пятніцу, то так».
Расійскія расследавальнікі вывучылі відэа наведвання Пуціным штаба і прыйшлі да высновы, што Пуцін наведваў штаб войскаў Паўднёвай вайсковай акругі ў Растове-на-Доне.
«Вялікі круглы стол са штаба СПА і інтэр'еры пакоя, у якім ён размешчаны, супадаюць з тым, што бачна падчас наведвання Пуціным штаба родаў войскаў. Той жа штаб у лістападзе наведваў і міністр абароны Сяргей Шайгу».
Тады, дарэчы, таксама сцвярджалася, што міністр знаходзіцца ў «зоне правядзення спецаперацыі».
Чытайце таксама:
Уладзімір Зяленскі прыехаў у Бахмут — у самы гарачы пункт на фронце
«Любы, хто недаацэньвае расіян, прырэчаны на паразу»
Цяпер чытаюць
Бабарыка пра сябе ў 2020-м: Гэта не наіўнасць. Не думаю, што такога крыважэрнага сцэнара нехта чакаў38
Каментары