Kreml zajaviŭ, što Pucin byŭ na pieradavoj. Ale jana, padobna, znachodziłasia ŭ Rastovie-na-Donie
Paśla pajezdki prezidenta Ukrainy Uładzimira Zialenskaha ŭ Bachmut, za jaki ciapier viaducca mocnyja bai, u siecivie źjaviłasia infarmacyja, što rasijski kiraŭnik Uładzimir Pucin taksama byŭ na froncie. Adnak žurnalisty-rasśledavalniki zapeŭnivajuć, što na kadrach z toj pajezdki — Rastoŭ-na-Donie, piša «Ukrainskaja praŭda».
Praź niekalki hadzin paśla naviny ab tym, što Zialenski ŭ Bachmucie, deputat rasijskaha parłamienta Andrej Huruloŭ napisaŭ, što Pucin byŭ «u zonie śpiecyjalnaj vajennaj apieracyi». Uviečary ŭžo pres-sakratar Kramla Dźmitryj Piaskoŭ zajaviŭ, što słovy Hurulova nibyta praŭda: «Kali jon maje na ŭvazie štab, dzie jon byŭ u piatnicu, to tak».
Rasijskija rasśledavalniki vyvučyli videa naviedvańnia Pucinym štaba i pryjšli da vysnovy, što Pucin naviedvaŭ štab vojskaŭ Paŭdniovaj vajskovaj akruhi ŭ Rastovie-na-Donie.
«Vialiki kruhły stoł sa štaba SPA i interjery pakoja, u jakim jon raźmieščany, supadajuć z tym, što bačna padčas naviedvańnia Pucinym štaba rodaŭ vojskaŭ. Toj ža štab u listapadzie naviedvaŭ i ministr abarony Siarhiej Šajhu».
Tady, darečy, taksama śćviardžałasia, što ministr znachodzicca ŭ «zonie praviadzieńnia śpiecapieracyi».
Čytajcie taksama:
Uładzimir Zialenski pryjechaŭ u Bachmut — u samy haračy punkt na froncie
«Luby, chto niedaaceńvaje rasijan, pryrečany na parazu»
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ5
Kamientary