Свет

Упершыню за стагоддзе ніжняя палата Кангрэса ЗША не можа выбраць спікера

Рэспубліканец Кевін Маккарці, намінаваны на другую па важнасці пасаду ў амерыканскай палітыцы — пасаду спікера ніжняй палаты — зноў не змог заручыцца неабходнай колькасцю галасоў. Упершыню больш чым за стагоддзе ніжняя палата не можа выбраць старшыню, піша Бі-бі-сі.

Кевін Маккарці. Фота: Alex Brandon / AP

Галасаванне праходзіла тры разы. Маккарці набраў толькі 202 галасы членаў Рэспубліканскай партыі. Каб атрымаць пасаду, яму неабходна прынамсі 218 галасоў.

У палаце сёлета 222 рэспубліканцы, аднак 19 найбольш кансерватыўна настроеных членаў фракцыі не жадаюць яго падтрымліваць. Яны прагаласавалі за іншага рэспубліканца — Джыма Джордана.

Асноўны супернік Маккарці — кандыдат ад дэмакратаў Хакім Джэфрыс — набраў 212 галасоў. За яго прагаласавалі ўсе дэмакраты.

Што цяпер?

Апошні раз такая сітуацыя, калі спікера Палаты прадстаўнікоў не ўдавалася выбраць у першым туры, паўстала 100 гадоў таму. У 1923 годзе, каб абраць кандыдатуру, спатрэбілася дзевяць тураў.

Зараз палата таксама працягне галасаваць да паспяховага зыходу. Пакуль не абраны спікер, заканадаўцы не змогуць займацца ніякімі іншымі пытаннямі — не змогуць даць прысягу новыя члены Кангрэса, не змогуць прымацца новыя законы.

Колькі раўндаў галасавання спатрэбіцца зараз — незразумела. Колькі часу гэта зойме, таксама незразумела. Галасаванне 1923 года расцягнулася на некалькі дзён.

Апазіцыя

Многія спікеры Палаты прадстаўнікоў сутыкаліся з цяжкасцямі на шляху да гэтай пасады, але ўнутрыпартыйныя канфлікты ў мінулым вырашаліся даволі хутка, часта яшчэ да галасавання.

Маккарці ж сутыкнуўся з супрацівам вельмі правых паплечнікаў па партыі яшчэ ў мінулым лістападзе, калі рэспубліканцы па выніках прамежкавых выбараў атрымалі большасць у палаце.

Кангрэсмен Эндзі Бігс са штата Арызона пазіцыянуе сябе як альтэрнатыву Маккарці, хоць і малаверагодную. Таксама супраць Маккарці выступае прадстаўнік Фларыды Мэт Гетц. У першым раўндзе галасавання Бігс атрымаў 10 галасоў, а яшчэ дзевяць рэспубліканцаў прагаласавалі за іншых кандыдатаў.

Апазіцыі Кевін Маккарці не падабаецца па асабістых і ідэалагічных прычынах. Яна ўжо некалькі тыдняў патрабуе ад Маккарці саступак, у прыватнасці — спрашчэння працэдуры імпічменту спікера.

На сустрэчы з прыхільнікамі фракцыі раніцай у аўторак Маккарці сказаў, што супраць яго могуць прагаласаваць да 20 рэспубліканцаў. Аднак ён быў упэўнены, што ў выніку пераможа.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стаў вядомы сэнс крымінальнай «справы страхаўшчыкоў»1

Стаў вядомы сэнс крымінальнай «справы страхаўшчыкоў»

Усе навіны →
Усе навіны

Удар па Кіеве: загінулі шэсць чалавек, шмат параненых3

Двое дарослых загінулі, двое дзяцей атрымалі траўмы ў ДТЗ у Рэчыцкім раёне

Апошнія месяцы з Еўропы ў Беларусь амаль не гоняць свежыя аўто. Вось у чым прычына1

Вызвалены эстонец: У турме ў Беларусі да мяне ставіліся вельмі дрэнна. У XXI стагоддзі ніхто не павінен жыць у такіх умовах4

Дзярждэп заявіў пра павышаную рызыку для амерыканцаў за мяжой

Кіраўнік МЗС Ірана прыбыў у Маскву для перамоваў з Пуціным5

Краіны НАТА дамовіліся павялічыць выдаткі на абарону да 5% ад ВУП. Раней на гэтым настойваў Трамп8

Ціханоўскі расказаў, як за дапамогу яму асудзілі іншага вязня, што сядзеў не за палітыку3

Іран пагражае перакрыць Армузскі праліў пасля ўдараў ЗША па ядзерных аб'ектах7

больш чытаных навін
больш лайканых навін

Стаў вядомы сэнс крымінальнай «справы страхаўшчыкоў»1

Стаў вядомы сэнс крымінальнай «справы страхаўшчыкоў»

Галоўнае
Усе навіны →

Заўвага:

 

 

 

 

Закрыць Паведаміць