Віктар Акцістаў адбываў тэрмін у магілёўскай папраўчай калоніі № 15, адкуль выйшаў на волю 31 снежня. За кратамі яго ўтрымлівалі 2 гады 3 месяцы і 10 дзён, узяты пад варту быў 21 верасня 2020 года, піша «Вясна».
Суд Ленінскага раёна 30 снежня 2020 года асудзіў студэнта чацвёртага курса Інстытута прадпрымальніцкай дзейнасці Віктара Акцістава за гвалт у дачыненні да супрацоўніка АМАПа 10 жніўня (арт. 364 КК) да 2,5 года калоніі.
У той вечар студэнт хацеў адбіць ад затрымання незнаёмага хлопца каля гасцініцы «Юбілейная» — у выніку гэтага ён нанёс супрацоўніку АМАПа некалькі ўдараў. Пры затрыманні хлопец быў моцна збіты, бацькі на працягу некалькіх дзён не маглі знайсці яго.
Сталі вядомыя падрабязнасці таго, як у В'етнаме затрымалі Верамейчыка21
Каментары