Прэс-служба Лукашэнкі паведаміла, што 14 лютага ён падпісаў указ №40 «Аб кібербяспецы». Ён, як адзначаецца, «прадугледжвае фармаванне комплекснага шматузроўневага механізму процідзеяння кібератакам на дзяржаўныя органы і арганізацыі, крытычную інфармацыйную інфраструктуру».
Ва ўказе канкрэтызаваныя функцыі і задачы па забеспячэнні кібербяспекі дзяржаўных органаў і іншых арганізацый, замацаваная персанальная адказнасць іх кіраўнікоў, а таксама вызначаныя ўладальнікі крытычна важных аб'ектаў інфарматызацыі, якія забяспечваюць першачарговае стварэнне цэнтраў кібербяспекі.
Стваральнікі дакумента спадзяваюцца, што «рэалізацыя мер, прадугледжаных ва ўказе, дасць магчымасць кансалідаваць намаганні па прадухіленні, выяўленні і мінімізацыі наступстваў кібератакі на аб'екты інфармацыйнай інфраструктуры, тым самым павысіць бяспеку і надзейнасць інфармацыйных сістэм».
Каментары